Яшь табибны көтеп алдылар

Медицина югары уку йортына кергәндә максатлы юлламалар, авыл дәваханәләренә эшкә күчүче табиблар һәм фельдшерлар өчен бер тапкыр бирелә торган түләүләр, аларга торак бирү һ. б.
Шулай да әлегә проблема өлешчә хәл ителә дип әйтергә була. Мәсәлән, әлегә безнең районда 3 табиб-терапевт, дерматовенеролог, гомуми практика табибы, фтизиатр, 2 педиатр, 4 ФАП фельдшеры, 2 ашыгыч ярдәм фельдшеры таләп ителә.
Шуңа күрә безнең районнан чыккан яшь табибларның кече ватанына эшкә кайтуларына сөенми мөмкин түгел.

Күптән түгел район дәваханәсе коллективына табиб-терапевт Элина Насыйрова кушылды. Безнең мәкалә героинясы тумышы белән Языково авылыннан. Максатлы юллама буенча Башкорт дәүләт медицина университетының дәвалау факультетында белем алган.
2020 елда укуын дәвам итәргә була һәм “Терапия” белгечлеге буенча ординатурага укырга керә. Аны Г.Куватов исемендәге республика клиник дәваханәсендә өстәмә һөнәри белем алу институтының терапия һәм гомуми дәвалау кафедрасында уза.

Узган елның октябреннән Элина Илдар кызы Пришиб авыл дәвалау амбулаториясенең участок терапевты булып эшли. Кирәк булганда, Языково үзәк район дәваханәсенең терапия бүлегендә дә эшли, терапевтның ял вакытында аңа Первомайский амбулаториясендә дә эшләргә туры килгән. Кыскасы, яшь табиб коллективта бик кирәкле кешегә әверелә, җитезлек һәм бик зур тырышлык белән эшли башлый.

— Мин максатлы юллама буенча укыдым һәм үз районымда эшләячәгемне белдем. Шуңа күрә бер дә үкенмим, — дип билгеләп үтә яшь табиб. — Мин үз эшемне бик яратам, коллектив ошый. Мине монда җылы кабул иттеләр, һәрвакыт ярдәм итәргә әзерләр. Биредә практика өчен база яхшы, эшчәнлек кыры зур булуын да әйтеп үтәсе килә.

Пришиб авыл дәвалау амбулаториясендә эшләүгә килгәндә, Элина Илдар кызы безгә, нигездә, аларга гипертониягә, шикәр диабетына, йөрәк авырулары, бронхиаль астмага зарлану белән мөрәҗәгать итүләрен әйтте.
Пациентлар игътибарлы, эшлекле яшь табибны яратырга да өлгергәннәр инде.