Ялга барып, су да кермә, имеш!..

Курткалар киеп, Соль-Илецкиның тозлы күленә кереп баскан туристларның шушы фотосы Интернет киңлекләренә таралды.

Көләрсең дә, еларсың да шул. "Сезон ахырына гына хас булган салкыннар быел аны ачарга да мөмкинлек бирмәде инде", - ди моңсу гына урындагы халык.

Август берәүләрне - акча эшләү, икенчеләрне отпуск көннәрендә рәхәтләнеп кояшта кызыну мөмкинлегеннән мәхрүм итте. Нишлисең, табигатьнең үз кануннары. Ә инде ерак араларны үтеп, Ырынбурга кадәр барып, салкын көннәргә туры килгәннәр әнә шулай җылы киемнәрдә "су керә".

Шулай да синоптиклар атна ахырына Соль-Илецкида һава температурасының +30 градуска кадәр күтәрелүен фаразлый. Ә яңа атна башыннан тагын салкынайта, имеш.

"Кызыл таң" сайтыннан алынган