Бәхет кошын кулдан ычкындырмагыз!

Район гәзитенә тугры калып, елның икенче яртысына да язылган һәм квитанция күчермәләрен җибәргән дусларыбыз арасында бүләк уйнату дәвам итә. Бу юлы май кояшы тагын дүрт гәзит укучыбызга елмайды. Болар – Н.Гехт (Языково, Болын урамы, 69-1), Бәширов (Благовар, Тынычлык урамы, 15), Г.Ганиев (Таң, Әхмәтов урамы, 7), Р.Баянова (Домбровка, Бондаренко урамы, 50-2).

Бүләк отучыларны 5 июнь, сишәмбе, 14 сәгать 30 минутта редакциядә көтеп калабыз. Үзегез белән паспорт һәм ИНН алып килергә онытмагыз.

Ә “Бәхетле авто” конкурсында катнашырга теләүчеләрне 6 июнь 14 сәгать 30 минутка чакырабыз. Көн салкын, яңгырлы дип килми калмагыз, бәлки уңыш җиле бу көнне нәкъ сезнең якка борылыр. Мөмкинлекне кулдан ычкындырмагыз. Исегезгә төшерәбез: әлеге конкурста бүләкләр лотерея үткәрү урынына килүчеләр арасында гына уйнатыла.

Редколлегия.