Владимир Путин “Ел укытучысы” лауреатлары белән аралашты

Дәүләт башлыгы укытучылар бәйгесендә көндәшлек кискен булды һәм катнашучыларның һәркайсы шундый югары исемгә дәгъва итте, дип билгеләп үтте.

“Новаторлык, лидерлык рухы, бер зур команда хисе - мәгариф системасы өчен бик мөһим әйберләр, ә укытучы хезмәте - игелекле, иҗади, җиңел булмаган, һичшиксез, бик җаваплы һәм һәрвакыт аерым хөрмәт уята", - дип ассызыклады Владимир Путин.

“Ел укытучысы” бәйгесе 1992 елдан башлап ел саен уздырыла. 2020 елда бу исем өчен финалда 15 лауреат көрәште: Адыгея, Башкортстан, Бурятия, Чечня, Мәскәү, Санкт-Петербург, Камчатка крае, Вологда, Калининград, Калуга, Ленинград, Магадан, Орел, Ростов, Рязань өлкәләре педагоглары. Җиңүче дип Дондагы Ростовтан математика укытучысы Михаил Гуров танылды.