Өмәгә чыксаң, урман тулы - табылдык!

Башкалада яшәүче Гөлназ Гафиева Үсмерләр китапханәсе янында Блюхер урамындагы урманны чүп-чардан чистартуны оештырган.

- Анда, нигездә, алкогольле эчемлекләрдән бушаган шешәләр, сәрхүшләрнең өс-баш киемнәре табыла. Күптән түгел без кайчандыр кыйммәтле генә булган сумка да табып алдык, - ди ул. - Хәзер табылдыкларны сортларга аеру мөмкинлеге туды.

Моның өчен ул дусты Тимур белән Инстаграмда "Мусор, гудбай!" төркемен булдырган. Аның аша экология өмәләрендә катнашучылар җыелган чүп-чарны алып китәргә әзер махсус хезмәтләр белән элемтәдә тора.

- Урманда капчык күтәреп, чүп-чар җыеп йөрүебезне күрүчеләр безне мактап китә, үзләре дә кушылырга теләк белдерә, әмма, кагыйдә буларак, читтә кала, - ди Гөлназ. - Шәһәр эчендәге агачлыкларда, сәрхүшләрдән бигрәк, шашлык пешерүчеләр чүп-чар калдыра. Без чистартып киткән урында янә чүп өемнәре күрсәң, күңел төшә, кулга эш бармый.

Табигатьтә ял итәргә үзебез белән чүп-чар өчен 2-3 кенә капчык алып чыксак, Гөлназның күңеле күтәренке булыр иде!

#национальныепроекты; #зеленаябашкирия

#нацпроекты;

#региональныепроекты;

#регпроекты;

#нацпроектыБашкортостан;

#ВладимирПутин