Торак төзелеше 2,3 тапкыр арткан

Аны тормышка ашыру максатында “Торак һәм шәһәр мохите” программасы эшләнде. Аңа ярашлы, 2024 елга халыкның тормыш дәрәҗәсе сизелерлек яхшырырга тиеш.

Башкортстанда шушы елның дүрт аенда торакны сафка кертү, узган елның шул чоры белән чагыштырганда, 2,3 тапкыр арткан. Арту, беренче чиратта, күпфатирлы йортлар тапшырылу исәбенә тәэмин ителгән.

Республиканың Төзелеш һәм архитектура буенча дәүләт комитеты мәгълүматларына ярашлы, беренче квартал йомгаклары буенча торакны сафка кертү гомумән алганда - 25,4 процентка, күпфатирлы йортларны аерып алганда 2,1 тапкыр арткан.

Дәүләт комитетында моның төп сәбәпләре арасында 1 июльдән проект финанславына күчүне атыйлар. Экспертлар фикеренчә, бу торакның кыйммәтләнүенә китерәчәк, шул рәвешле төзүчеләр аны тиз арада сатып алырга чакыра.

#национальные проекты

#ВладимирПутин

#нацпроекты