Владимир Путин Палестина Президенты белән очрашырмы?

Бу хакта ТАСС агентлыгына биргән интервьюсында Палестина тышкы эшләр министры Рияд Әл-Мәлики хәбәр итте.

“Мин киләсе айда Таҗикстанда хезмәттәшлек һәм Азиядә ышаныч чаралары буенча саммит узар дип уйлыйм, - диде ул. - Без бу юнәлештә актив эш алып барабыз. Президент Владимир Путин анда катнашачак, безнең Президентыбыз да анда булачак. Без саммит вакытында аларның очрашуын оештыру өстендә эшлибез".

Кремльнең матбугат сайтында Владимир Путинның Дүшәнбедә үтәчәк чарада Мәхмүд Аббас белән очрашырга планнары турында рәсми белдерүе әлегә юк.

#ВладимирПутин