Кырым делегациясе Уфаның бер медицина үзәге белән танышты

Үзәкнең директоры Павел Головин кунакларга дәвалау оешмасының 2014 елның маенда ачылуын сөйләде. Инвестицияләр күләме якынча 1 миллиард сум тәшкил иткән.

Кырым Министрлар Советы Рәисе урынбасарлары Михаил Селезнев һәм Алла Пашканова циклотрон-радиохимия комплексы участогы эше белән таныштылар, аларга "ПЭТ-сканер" һәм "Кибер-Пычак"ның ничек эшләвен күрсәттеләр.

Медицина үзәгендә Русия өчен уникаль, радиофармпрепаратлар сыйфатын контрольдә тоту һәм илтеп җиткерү системасы эшли.

Фото: "Башинформ" агентлыгы