“Вакыт елгасы”на кемнәр кушылыр?

Реконструкцияләр аша Петр I заманына да, Бөек Ватан сугышының соңгы, Җиңү китергән аена да күз салып булачак. Халык кәсепләре үрнәкләре, борынгы уеннар, үткән чорларның музыкаль мәдәнияте тәкъдим ителәчәк.

Быелгы фестиваль форматы буенча мәктәп укучылары өчен укыту чаралары да уйланылган. 17-18 сентябрьдә укучылар туган як тарихы һәм мәдәнияте буенча квестларда, конкурс һәм ярышларда катнашачак. 19 сентябрьдә тарихи тематика буенча чыгышлар, интерактив мәйданчыклар, осталык дәресләре белән баетылган туристик көн оештырылачак.

Чараны үткәрү урыны – “Бөре кальгәсе” тарихи паркы.
Керү бушлай.