Фирдүс Тямаев: "26 ел элек җырлый идем, кияргә күлмәгем дә, чалбарым да юк иде"

Җырчы Фирдүс Тямаев 10 яшендә төшерелгән видеосын инстаграм челтәренә керткән.

Анда ул:

"10 яшьлек Фирдүс Тямаев.

26 ел элек җырлап йөри идем. Кияргә күлмәгем дә, чалбарым да юк иде, минем буй бәләкәй булгач, кием таба алмый идек. Базарга барып, миңа 2-4 размерга зур күлмәк белән чалбар алдык, шатлыгымнан елый-елый шул киемнәрдән әллә кем булып сәхнәгә җырларга чыктым. Ул вакытта ук мин Нурлатта звезда идем", - дип язган.

"Кызыл таң" сайтыннан алынган