Тямай җырчы гына түгел икән!

Популяр җырчы авылдашларын иҗаты белән сөендереп кенә калмый, җитди проблемаларын да хәл итә икән.

Әле туган авылында "ТямаевFEST" үткәргән.

«Авылдашлар, килгән кунаклар, бәйрәмне өченче тапкыр үткәрәбез. Гореф-гадәтләрне, йолаларны онытмыйча, аларны искә төшереп, «ТямаевFEST»ны оештырырга булдык.

Бәйрәмебез елдан-ел матурая бара, кунаклар күбәя. Былтыр җиде мең кеше булды. Аллаһы Тәгалә шундый матур көн бирде. Бәйрәмебез гөрләп бара! Ул безнең Түбән Норлатыбызны тагы да берләштерде, дуслаштырды», — дип башлый бәйрәмен җырчы.

Фирдүс белдерүенчә, бәйрәмдә егерме меңгә якын халык булган, - дип яза "Татар тудей".

«Әле, Аллаһка шөкер, Фирдүс авылыбызда күпер салды. Аны бит председательләр дә эшләтә алмады. Ә улым, гади авыл баласы булса да, ерып чыкты», — дип сөйләгән иде бер әңгәмәсендә әнисе Галия апа.

Димәк, Фирдүс тамашачысын җырлары белән генә түгел, күпер дә салып сөендерә икән.

"Кызыл таң сайтыннан алынган