+29 °С
Облачно
Мәдәният
11 Июня 2019, 13:55
“Чал Урал легендалары”на рәхим итегез
Русия Президенты Владимир Путинның май указларын гамәлгә ашыру максатында “Мәдәният” гомумдәүләт проектының төбәктәге “Иҗади кешеләр” проекты кысаларында республикада Башкортстанның 100 еллыгына һәм Русиядәге Театр елына багышланган “Чал Урал легендалары” фестивале үтә.
Чарада катнашырга республиканың һәм башка төбәкләрнең музыкаль, хореография, сәнгать мәктәпләрендә белем алучылар, мәдәният йортларындагы, мәктәпләрдәге, үзәкләрдәге иҗат коллективларында шөгыльләнүчеләр, шул исәптән мөмкинлекләре чикле балалар да чакырыла.
Конкурс-фестиваль “Легенданы сәхнәләштереп күрсәтү” һәм “Рәсем сәнгатендә легенда” номинацияләре буенча оештырыла.
Конкурс-фестиваль өч этапа үтә. Сайлап алу туры июнь-октябрьдә - белем бирү учреждениеләрендә.
Икенче читтән торып этабы октябрь-ноябрьдә Уфада видеоязмалар буенча оештырыла. Анда катнашу өчен 4 октябрьгә кадәр Мәдәният министрлыгының Республика укыту-методика үзәгенә aura_x@mail.ru электрон адресына конкурс материалларын салырга кирәк.
Өченче этап ноябрьдә Арслан Мөбәрәков исемендәге Сибай башкорт дәүләт драма театрында Гала-концерт һәм җиңүчеләр эшләре күргәзмәсе төрендә үтәчәк.
Тулырак мәгълүматны Башкортстан Мәдәният министрлыгы сайтыннан алырга була.
#национальныепроекты;
#нацпроекты;
#региональныепроекты;
#регпроекты;
#нацпроектыБашкортостан;
#ВладимирПутин
