Андрей Губинны бөтен Уфа сатучылары белә

Аның "Мальчик-бродяга" , "Лиза" кебек җырлары заманында бик популяр иде.

Ләкин популярлык иртәме-соңмы тәмамлана. Губин белән дә шулай булган. Күз уңыннан кинәт юкка чыккач, бик аптыраган идек. Баксаң, Андрей бик яшьли әти-әнисен югалткан икән. Өстәвенә, авыр чиргә тарыган.

- Хәзер бик тыйнак кына Уфада яшәп ятам. Урамда танучылар күп, әлбәттә. Килеп исәнләшәләр, җылы сүзләр әйтәләр. Якындагы кибет сатучылары белән танышып беттем, - диде ул 1нче каналда булган " Сегодня вечером" тапшыруында.

Музыка белән әллә ни шөгыльләнә алмый икән, чире комачаулый. "Минем бөтен җирем авырта, табиблар миңа күптән кул селтәде инде", ди кырыктан яңа узган ялгыз яшәүче җырчы.

Фото: Газета.ру