Элвин Грей концерты Казанда 10 меңгә якын тамашачы җыйды.

Концерттан соң троллейбуста пассажирларның Элвин Грей җырын җырлаган видеосы Интернетта тарала.

Бу видеоны күп кенә төркемнәр үзләренә урнаштырган. Элвин Грей — Радик Юлъякшин бу җырны үзенең аккаунтына да урнаштырган һәм "Рәхмәт!" дип язган.

Халык җырчыга әле “Татнефть-Арена"да узган тамаша вакытында ук кушылып җырлый башлаган. Соңрак концерт җәмәгать транспортында дәвам иткән.

Элегрәк Башкортстанның атказанган артисты Радик Юлъякшин Уфада рекорд куйган иде — 2017 елда ул сигез мең кешелек «Уфа-Арена»ның тулы залын җыйды. 2018 ел концерты Уфада 8 декабрьдә шул ук залда узачак.

Фото: Фото: Рамиль Гали