Ашлама кайтарыла

Республикада язгы басу эшләренә әзерлек бара. БР Авыл хуҗалыгын консультацияләү үзәге мәгълүматлары буенча, 2 мартка республика хуҗалыкларына 5 мең 999 тонна ашлама кайтарылган. Бер гектарга исәпләгәндә ике килограммга якын тәэсирле матдә туры килә, бу узган елның шушы чорындагыга караганда азрак.

Иң зур запас – безнең район аграрийларында, аларда бер гектарга 8,1 килограмм исәбеннән ашлама тупланган. Шулай ук, Авыргазы (6,5 кг), Бүздәк (6,1) һәм Тәтешле (5,9) районнарында ашлама сатып алуга зур игътибар бүленә.

БР Авыл хуҗалыгы министрлыгының матбугат хезмәте.