Владимир Путин Денис Мантуров белән эшлекле очрашу үткәрде

- Без Русия һәм чит ил инвесторлары белән даими рәвештә очрашулар уздырабыз һәм һәрвакыт махсус инвестиция контрактлары мәсьәләсе турында фикер алышабыз, -- диде Владимир Путин.

-- Махсус инвестиция контрактлары булдырылуга өч ел тулды. Бу вакыт эчендә 1 триллион сумлык 40 махсус инвестиция контракты төзелде, ә бу - шәхси инвестицияләр. Әлеге проектларны гамәлгә ашыру кысаларында сәнәгатьнең төрле тармакларында 20 меңнән артык яңа, югары җитештерүчәнле эш урыны булдырылырга тиеш. Беренче чиратта, бу - автомобильләр эшләү, фармацевтика, энергетика, нефть-газ сәнәгатендә машина төзелеше, химия һәм башка өлкәләр.

Шул исәптән, Сез бу проектларның өчесен: Ерак Көнчыгышта – двигательләр җитештерү буенча “Мазда Соллерс”, Санкт-Петербургта инсулиннар җитештерү буенча “Герофарм” һәм апрельдә Мәскәү өлкәсе мәйданчыгында – “Мерседес " предприятиеләрен ачу тантанасында катнаштыгыз, -- диде Денис Мантуров.

#ВладимирПутин