Карт ат буразнаны бозмый

"Сезнең варисларыгызга яңа вазыйфадагы эшкә җиңел керсеннәр, җитәкчеләр сыйфатында эшләүче территорияләрдә яшәүче гражданнарның ышанычын яуласыннар өчен кирәкле ярдәм күрсәтүегезне сорыйм", - дип ассызыклады Владимир Путин.

"Иң мөһиме - алар, соңгы елларда башкарылган эшләрдән файдаланып, бу территорияләрдә яшәүче кешеләр мәнфәгатьләрен кайгыртып, алга таба да бу эшне дәвам итә алсыннар, ягъни без сезнең белән көч салган максатларга ирешсеннәр иде", - диде дәүләт башлыгы.

Очрашуда Кемерово өлкәсенең элекке башлыгы Аман Тулеев (Һөнәри белем бирүне үстерү буенча төбәк институты ректоры), Ырынбур өлкәсенең элекке губернаторы Юрий Берг (Урал тау-металлургия компаниясе генеральный директоры киңәшчесе), Алтай Республикасының элекке башлыгы Александр Бердников, Чиләбе һәм Мурманск өлкәләренең элекке губернаторлары Борис Дубровский һәм Марина Ковтун, Калмыкиянең элекке башлыгы Алексей Орлов катнаштылар.

#ВладимирПутин