В.Путин Указы һәр өлкәгә кагыла!

Әлеге проектлар түбәндәге юнәлешләрдә башкарыла: демография; сәламәтлек саклау; мәгариф; мәдәният; торак һәм шәһәр мохите; экология; хәвефсез һәм сыйфатлы юллар; хезмәт җитештерүчәнлеген арттыру һәм халыкны эш белән тәэмин итү; Русиядә санлы икътисадны үстерү; кече һәм урта эшкуарлыкка, бу өлкәдәге шәхси башлангыч­ларга ярдәм күрсәтү; халыкара кооперация һәм экспорт; фән. Проектларны тормышка ашыруга 2024 елга кадәр 175,136 миллиард сум акча бүленәчәк. Бу акчаның 85020,8 миллиард сумы – халыкка яшәү өчен уңайлы мохит булдыруга, 15539,0 миллиарды – икътисади үсешне тәэмин итүгә, 74576,0 миллиард сумы кеше капиталын үстерүгә тотыла.

Санап үтелгән гомумдәүләт проектлары нигезендә Башкортстанда 57 төбәк проекты тормышка ашырыла. Аларның һәркайсының үз бюджеты бар. Мәсәлән, “Фән” гомумдәүләт проекты нигезендә республикада 3 төбәк проекты эшли. Бу исемлеккә түбәндәгеләр керә: “Башкортстанда фәнни һәм фәнни-җитештерү кооперациясен үстерү”, “Фәнни тикшеренүләр үткәрү өчен алдынгы инфраструктура булдыру”, “Тикшеренүләр өлкәсен кадрлар белән тәэмин итү”. Аларны башкаруга 4,005 миллиард сум акча бүленә.