Һәлак булганнар гаиләләре 8 миллион сум алачак

Соликамск шахтасында һәлак булган якташларыбыз гаиләләре сигезәр миллион сум акча һәм пособие алачак.

Шуның 1 миллион сумы республика Башлыгы вазыйфасын башкаручы Радий Хәбиров карары белән бирелә, тагын 1 миллионын — Социаль страховкалау фонды, 2 миллионны — эш бирүче “УС №30” предприятиесе, 3 миллионны “Уралкалий” бирәчәк. Тагын берәр миллион сумны Пермь крае хакимияте бүлә.

Әле һәлак булганнар гаиләләре Соликамскига килгән, алар белән бергә медиклар, психологлар, Уфа һәм Белорет шәһәрләре хакимияте хезмәткәрләре дә бар.

— Алты бала ятим калды, шуларның дүртесе — үсмерләр, иң кечесенә — 3 яшь. Бу балалар һәрвакыт игътибар үзәгендә булырга тиеш, — диде Радий Хәбиров бүгенге оператив киңәшмәдә.

Фото: Комсомольская правда

Читайте нас:

Телефон

8(34747)4-01-25

Адресы

452740, Республика Башкортостан, Благоварский район, с.Языково, ул.Пушкина, д.22

Реклама хезмәте

8(34747)4-01-27

Редакция

8(34747)4-01-25

Хезмәттәшлек

8(34747)4-01-27

Кадрлар бүлеге

8(34747)4-01-32