Радий Хәбиров волейбол федерациясенең Күзәтчелек советы утырышында катнашты

Федерация президенты Станислав Шевченко тәмамланган сезонда Русия җыелма командаларының чыгышы турында хисап бирде һәм аларның 2019 елгы сезонга әзерлеге турында сөйләде. Утырышта катнашучылар шулай ук Русиядә волейболны үстерү һәм популярлаштыруга бәйле актуаль мәсьәләләр турында фикер алышты.

Башкортстанда волейбол белән һәвәскәр һәм профессиональ дәрәҗәдә 69 меңнән артык кеше шөгыльләнә. "Урал" профессиональ спорт волейбол клубы эшли. Аның составына биш команда керә: "Урал" суперлига командасы (ир-егетләр), "Урал бөркетләре" яшьләр лигасы командасы, "Самрау" югары лигасы командасы (хатын-кызлар), "Урал" пляж волейболы командасы (ир-егетләр) һәм "Самрау-2" резерв командасы керә.

Быел Уфада Милләтләр волейбол лигасының өченче туры кысаларында матчлар узды, аларда Русия, Бразилия, Кытай һәм Иран җыелма командалары катнашты.

Фото: БР Башлыгы сайтыннан