Бюджет ел ахырына 10 миллиардка артачак

– Үзгәрешләр 7,2 миллиард сумлык өстәмә салым һәм салым булмаган планлаштырылган керемнәр алуга һәм федераль үзәктән финанс ярдәме күләменең 3,2 миллиард сумга артуына бәйле, – диде парламент Рәисе Константин Толкачев. – Өстәмә акчаны бюджет өлкәсе эшчеләренә хезмәт хакын арттыруга, муниципаль бюджетларга ярдәмгә, муниципаль учреждениеләрнең матди-техник базасын ныгытуга, агросәнәгать комплексына дәүләт ярдәме күрсәтүгә, беренче балалары туган гаиләләргә бер тапкыр бирелүче социаль түләүләргә юнәлтеләчәк.

Үзгәрешләр кертелгәннән соң, агымдагы елда республика керемнәре – 192, 8 миллиард сум, чыгымнары 193,6 миллиард сум тәшкил итәчәк.

Утырышта, шулай ук, соңгы укуда “2019 елга һәм 2020-21 еллардагы план чорына Башкортстан бюджеты турында” закон проекты кабул ителәчәк.