Барлык яңалыклар
Көнүзәк
11 декабрь 2018, 11:30

Подъездлар көлеп торсын!

Радий Хәбиров подъездларны комплекслы ремонтлау буенча республика программасын эшләтеп җибәрү турында хәбәр итте. Бу хакта Башкортстан Башлыгы вазыйфасын вакытлыча башкаручы социаль челтәрләрдәге битендә хәбәр итте.

“Без 2019 елның гыйнварыннан Башкортстанда подъездларны комплекслы ремонтлау программасын эшләтеп җибәрү турында карар кабул иттек. Бездә күпфатирлы йортларда 50 мең подъезд бар. Аларны 5 елга бер тапкыр ремонтларга кирәк, ә факт буенча аларның кайберләре 10 һәм аннан да күбрәк ел буе акбур һәм буяу күрмәгән”, — дип язган төбәк җитәкчесе.
Радий Хәбиров сүзләренә караганда, комплекслы ремонтлау программасы буяу һәм агартуны гына түгел, ишекләр, тәрәзәләр, почта тартмалары һәм электр үткәргечләрен дә алмаштыруны күздә тота.
Ример НАСРЕТДИНОВ.