Уфада тизйөрешле трамвай булачак!

Башкортстанның Транспорт буенча дәүләт комитеты җитәкчесе Тимур Мөхәммәтҗанов тизйөрешле трамвай челтәрен төзү проектыннан баш тарту турындагы имеш-мимешләрне кире какты.

- Әйе, транспорт реформасы җитәрлек финансланачак, яңа автобуслар һәм башкалар сатып алыначак. Әмма тизйөрешле транспорт темасы онытылмый, ул тормышка ашырылырга тиеш. Төп бурыч - шәһәрнең төньяк һәм көнчыгышын тизйөрешле транспорт белән тоташтыру. Моның белән инвесторлар шөгыльләнәчәк, - дип аңлатты Тимур Мөхәммәтҗанов.

Хәзерге вакытта тизйөрешле трамвай системасын булдыру проекты белән берьюлы берничә компания - "Брикс" банкы, Катар, Кытай һәм Төркиядән инвесторлар кызыксына, дип искәртте чиновник.

- Тизйөрешле трамвай - Уфа өчен глобаль планда транспорт проблемасын хәл итүнең идеаль ысулы, - дип өстәде Мөхәммәтҗанов.

Фото: ufa.kp.ru сайтыннан

Читайте нас:

Телефон

8(34747)4-01-25

Адресы

452740, Республика Башкортостан, Благоварский район, с.Языково, ул.Пушкина, д.22

Реклама хезмәте

8(34747)4-01-27

Редакция

8(34747)4-01-25

Хезмәттәшлек

8(34747)4-01-27

Кадрлар бүлеге

8(34747)4-01-32