Хәлне ачыклау өчен — 24 сәгать вакыт!

Бүген гражданнарның мөрәҗә­гатьләре тиешле урынга яшен тизле­гендә барып җитәргә һәм куел­ган мәсьәлә 24 сәгать эчендә хәл ителергә мөмкин.

Шуңа ачык мисал китерәбез. “Кызыл таң” сайтында “Уфада популяр автобус маршрутлары туктатылды. Озаккамы?” язмасы пәйда булгач, без аны “В Контакте” челтә­рендәге “Кызыл таң” төрке­менә элдек. Анда бу мәкаләгә кагылышлы фикер алышулар башланды. Лилия Вахитова исемле укучыбыз Уфадан Михайловкага 280, 284нче автобус­ларның йөр­мәве сәбәпле, халыкның эшкә соңга калу мәсьә­ләсен күтәрде. Аңа Илина Ергизова да кушылды. Бу 5 ноябрьдә 12 сәгать 53 минутта булды.

Белүбезчә, ул – ял көне. Шуңа карамастан без аның мөрәҗә­гатен “Башавтотранс” предприятиесенә юллауны үтенеп, республика Башлыгының махсус хезмә­тенә мөрәҗәгать иттек. 17 сәгатьткә Михайловка, аның янындагы Алексеевка, Дмитриевка, Шәмьяк авылларына “Башавтотранс”тан өстә­мә автобуслар йөриячәге, аларның графигы турында җавап алдык. Аны безгә “Башавтотранс” җәм­гыятенең пассажирлар йөртү бүлеге начальнигы урынбасары Татьяна Зубенко җиткер-де. Шулай итеп, 6 ноябрьдән 107нче Михайловка-Суровка-”Озерки” маршруты буенча 3 автобус,

108нче Михайловка-Лесхоз мар-шруты буенча 5 автобус,

109нчы Уфа-Шәмьяк маршруты буенча Дмитриевка поселогы аша 2 автобус,

115нче Уфа-Алексеевка маршруты буенча 4 автобус йөри башлады.

06.30-9.00 сәгатьләрдә, 17.30-19.00 сәгатьләрдә автобуслар арасында интервал 15 минут тәшкил итә.

Әлеге мәсьәләләргә кагылышлы сораулар өчен “кайнар линия” телефоны — 88002222347.

Әгәр үзегез яшәгән төбәктә халык-ның тормыш-көнкүрешенә кагылышлы сорауларыгыз бар икән, “Кызыл таң” гәзитенә мөрәҗәгать итегез. Моның өчен “В Контакте”, “Одноклассники” челтәрендәге “Кызыл таң” төр­кеменә кушылырга кирәк. Нәкъ безнең төр-кемдә торучы Лилия Вахитова кебек. Аның автобусларга кагылышлы соравы берничә сәгатьтә хәл ителгән кебек, сезнең тарафтан килгән бер генә мөрәҗәгать тә җавапсыз калмаячак.