Барлык яңалыклар
Көнүзәк
9 сентябрь 2018, 19:15

Бер тавыш та югалмаячак

Матбугат үзәгендә "Башкортстан Республикасы муниципаль берәмлекләре советы" ассоциациясе башкарма директоры Рөстәм Исхаков җурналистлар белән очрашты.

Ул төпкел авылларда сайлауларны оештыру мәсьәләсе турында бәян итте.
- Бездә андый авыллар күп түгел, һәр торак пунктка юллар бар, - диде ул. - Ләкин һәр авылда да сайлау участогы оештырып булмый. Өч меңнән артык авыл кешесе сайлау урынына барып җитсен өчен автобус рейслары булдырылды. Бу мәсьәләгә сайлауга әзерлек барышында ук зур игътибар бирелде, мәгьлүмат халыкка җиткерелде. Транспорт оешмалары белән килешүләр төзелде, мәктәп автобуслары җәлеп ителде, - диде ул.
Республикада иң төпкел авыл Белорет районында теркәлгән. Ул 46 чакрым ераклыкта урнашкан. Анда яшәүче 22 кешене сайлау участогына көненә ике тапкыр автобус алып киләчәк.