Уфада тавышларны саныйлар

Сәгать 8дә Уфаның барлык сайлау участоклары ябылды. Сайлау комиссияләре әгъзалары әле тавышларны саный.

Уфада 436 сайлау участогы эшләде. Сайлау процессының ачыклыгын тәэмин итү максатында башкаланың 399 сайлау участогында һәм 7 территориаль сайлау комиссиясендә он-лайн видеотрансляция оештырылды.

Участокларда тавыш биргәннән соң, уфалылар шәһәрне төзекләндерү территорияләрен сайлады. Алар “Уңайлы шәһәр мохитен формалаштыру” федераль проекты кысаларында төзекләндереләчәк объектлар өчен тавыш бирүдә катнашты.