Өстенлекле инвестиция проектлары

Төбәкнең Икътисади үсеш министрлыгының матбугат хезмәте хәбәр итүенчә, Дәүләкән районында катнашазык заводы төзү планлаштырыла. Инвестицияләрнең гомум күләме — 980,8 млн. сум. Предприятиедә 96 эш урыны булдырылачак.

Сафка кертү 2019 елга планлаштырылган проектның инициаторы — “1 санлы Дәүләкән КХП” ҖЧҖ.

Икенче проект безнең районда селекция-генетика үзәге төзүгә кагыла. Инвесторы — “Башкортстан ит компаниясе” ҖЧҖ. Яңа заманча дуңгызчылык селекция-генетика үзәге төзү планлаштырыла. Өч токым — “Йоркшир”, “Ландрас” һәм “Дюрок” — кулланып, Дания генетикалы DanAvl югары продуктлы терлекләр, шулай ук F1 гибрид дуңгызлары алу төп эшчәнлек булачак.

Проектны гамәлгә ашыру вакыты — 2017-2019 еллар. Салынган капиталның гомум суммасы 2,4 млрд. сум тәшкил итәчәк. Социаль нәтиҗәлелеге — 190 эш урыны булдыру.