Гүзәл затларны сәхнәдән тәбрикләделәр

Җыелучыларны район хакимияте башлыгы урынбасары И.Р.Баһаутдинов тәбрикләде.

Балалар тәрбияләүдәге фидакарь хезмәтләре, гаилә һәм рухи кыйммәтләрне саклауда саллы өлеш керткәннәре өчен биш хатын-кыз гаилә хезмәте белгечләре тарафыннан Рәхмәт хатлары белән бүләкләнде. Газизләрен ялгыз үстерүләренә һәм авыр тормыш хәлләренә карамастан, алар төшенкелеккә бирелмиләр, балаларын сөю-назда тәрбиялиләр. Җылы котлау сүзләре һәм язга охшаш күркәм чәчәк гөлләмәләре хөрмәтле хатын-кызларга беразга булса да көндәлек эш-мәшәкатьләреннән арынырга һәм үзләренең балалары язмышында кирәкле булуларын тагын да ныграк тоярга ярдәм итте.

Бәйрәм чарасы хатын-кызларга сөю белән сугарылган иде, сәхнәдән безнең тормышыбыз- ны җиңел, бәхетле һәм нурлы итүчеләр исеменә багышланган бик күп рәхмәт, котлау сүзләре һәм изге теләкләр әйтелде.

Әлеге концертта булган һәркем шатлык кичерде, дәрт-көч, кәеф күтәренкелеге алды.