Владимир Путин Равил Гайнетдин белән очрашты

-- Сез беләсезме, бүген иртән мин Русиянең барлык мөселманнарына Ураза бәйрәме башлану уңаеннан котлау юлладым. Мөселманнар безнең күпмилләтле зур илебез Русиянең аерылгысыз өлеше булып тора, -- диде Владимир Владимирович. -- Мин беләм, Сез күптән түгел Президент Хакимияте җитәкчелеге белән очраштыгыз, рухи тормышны оештыру, административ-хуҗалык мәсьәләләре турында сөйләштегез.

- Иң беренче чиратта, хөрмәтле Президент, мин Русия Федерациясенең күпмиллионлы мөселман өммәте исеменнән Сезгә игътибарыгыз һәм бүгенге Ислам бәйрәмнәренең берсе – Ураза гаете белән котлавыгыз өчен рәхмәт белдерәсем килә, -- диде Равил Гайнетдин.

#ВладимирПутин