Барлык яңалыклар
Җәмгыять
23 декабрь 2018, 19:02

Никах Интернет аша да укыла башлаган

Бу хакта дин галиме Рамил Юныс студентлар белəн очрашуда белдергән."Хәзер Интернет заманы, заманча технологиялəр. Интернет аша да никахлар укыла башлады", - дигән ул.

Мисал итеп, хəзрəт "Татаринформ" хәбәрчесенә бер никахның ничек үткəнен сөйлəгән. "Килен ап-ак күлмəге белəн килеп утырды, туганнар җыелды. Кияүнең очкычы, һава торышы бозылу сəбəпле, Германиядəн вакытында очып китə алмады.
Кияү Штутгарт шəһəре аэропортыннан скайпын кабызып элемтəгə керде дə, без никах укыдык. Алар ризалыгын белдерде һəм шəһадəт əйтте. Заманча никах шулай укылды", - дигән Рамил Юныс.
Фото: Туган авылым.ру