Барлык яңалыклар
Җәмгыять
15 ноябрь 2018, 12:30

Хәвефсезлек системасы камилме?

Республика Башлыгы вазыйфасын вакытлыча башкаручы Радий Хәбиров Уфаның Гражданнарны саклау идарәсенең мәгълүмат-диспетчер үзәгендә булды.

Төбәк җитәкчесе “Хәвефсез шәһәр” аппарат-программа комплексының сафка кертелгән тармаклары эше белән танышты. Ул җәмәгать хәвефсезлеген тәэмин итүгә юнәлтелгән.
Шәһәрдә халык күпләп җыела торган урыннарда 300дән артык камера урнаштырылган. Алардагы мәгълүматлар арытаба мәгълүмати-диспетчер үзәге серверларында саклана.
Радий Хәбиров үзәк белгечләре белән система эшен тикшерде һәм аның арытаба яңартылырга тиешлеген билгеләде.
Әлеге үзәк нигезендә оператив хезмәтләрнең бердәм номеры 112 буенча тиз чакырылуны тәэмин итә торган система эшли, экология хәлен мониторинглау оештырылган, ГЛОНАСС нигезендә транспорт белән идарә итүне мониторинглау системасы кертелгән.