Барлык яңалыклар
Җәмгыять
7 ноябрь 2018, 13:44

Асфальт салуның соңгы көне билгеләнәчәк

Республика Башлыгы вазыйфасын вакытлыча башкаручы Радий Хәбиров бүгенге оператив киңәшмәдә юл төзелеше мәсьәләсен дә кузгатты.

Республика Башлыгы вазыйфасын вакытлыча башкаручы Радий Хәбиров бүгенге оператив киңәшмәдә юл төзелеше мәсьәләсен дә кузгатты.


Аны бигрәк тә республикада асфальт салырга мөмкин булган соңгы көн кызыксындырды. Андый дата билгеләнмәвен белгәч, кичекмәстән шушы мәсьәләне хәл итәргә кушты.
— Без бер карарга килергә тиеш. Сез тәҗрибәлерәк кешеләр, шушы вакыт буенча тәкъдимнәрегезне әйтегез. Башлыклар, юлчылар белән киңәшләшегез. Без республикада кайнар асфальт салуны туктаткан бер көн билгеләргә тиеш, — диде ул.
Аның бу теләге район башлыклары белән сөйләшкәннән соң туды. Кайберләренең чыгышыннан 14 ноябрьгә кадәр асфальт салыначагы билгеле булды.
Ә бит тиешенчә әзерләнмәгән, сулы, карлы, пычрак чокырларга салынган асфальт берничә атна эчендә тузып юкка чыгачак, ди белгечләр.